वसई- मोबाईल स्नॅचिंग करणारे चोर पकडण्यात आचोळे पोलीस ठाणेस यश.अधिकमाहतीनुसार दिनांक २३/१०/२०२५ रोजी फिर्यादी अमित दयाशंकर तिवारी, वय २५ वर्ष व्यवसाय नोकरी रा. रुम नंबर डी/३०६ रश्मी कॉम्पलेक्स विनायक हॉस्पीटल मागे, एव्हरशाईन लास्ट स्टॉप नालासोपारा पुर्व ता. वसई जि.पालघर हे विनायका हॉस्पीटल, आचोळे रोड वरुन आठवडे बाजरासाठी जात असताना त्यांचे पाठीमागुन मोटार सायकलवरुन दोन अनोळखी इसम येवुन त्यांचा मोबाईल हिसकवत असताना फिर्यादी यांनी त्यास विरोध केला असता त्यापैकी एका इसमाने त्यांचेजवळील लोखंडी फायटर सदृश्य हत्याराने त्यांच्या पोटामध्ये मारुन दुखापत करुन फिर्यादीच्या हातातील ओपो कंपनीचा ए/४९ मॉडेलचा मोबाईल फोन हा जबरजस्तीने खेचुन नेवुन जबरी चोरी करुन पळून गेले म्हणुन आचोळे पोलीस ठाणे दिनांक २४/१०/२०२५ रोजी गुन्हा दाखल करण्यात आला आहे.
वरील प्रमाणे गुन्हा नोंद झाल्यानंतर मा. वरिष्ठ पोलीस अधिकारी यांनी दिलेल्या सुचना व मार्गदर्शनाखाली नमुद अनोळखी चोरट्यांचा शोध घेण्या बाबत गुन्हे प्रकटीकरण शाखेचे अधिकारी व अंमलदार यांना सुचना देण्यात आल्या होत्या. त्याप्रमाणे गुन्हे प्रकटीकरण शाखेचे अधिकारी अंमलदार हे सदर आरोपींचा शोध घेत होते.
आचोळे पोलीस ठाणे गुन्हेप्रकटीकरण शाखेचे अधिकारी व अंमलदार हे पोलीस ठाणे हद्दीमध्ये अनोळखी आरोपी यांची ओळख पटवण्यासाठी आरोपी यांनी गुन्ह्यात वापरलेल्या मोटार सायकलचा नंबर एम.एच ४८ सी.एल २८२२ असा असल्याचे स्पष्ट झाले. त्याआधारे नमुद आरोपी याचा पोलीस शोध घेत असताना सदरचे आरोपी हा स्वतःचे अस्तित्व लपवुन वेळोवेळी जागा बदलुन फिरत होते. त्यावेळी गुन्हेप्रकटीकरण शाखेच्या अंमलदार यांनी कौशल्यपुर्ण तपास करुन गुन्ह्यात वापरलेल्या मोटार सायकलचा शोध घेतला असता नमुद मोटार सायकल व त्यावर दोन इसम हे नालासोपारा परिसरात फिरत असल्याचे दिसुन आले. त्यावेळी त्यांना डी मार्ट जवळ, नालासोपारा पूर्व येथे मोटार सायकलसह ताब्यात घेतले. नमुद संशयीत इसम १) सागर राजेश मिश्रा वय २२ वर्षे, व्यवसाय पेस्ट कंन्ट्रोल, रा.रु नं-ए/१०५, अदर्श निवास, जे.बी.एस गल्ली, अलकापुरी, नालासोपारा पुर्व ता. वसई जि. पालघर २) सागर सुनिल वर्मा वय-१९ वर्षे, व्यवसाय-नोकरी, रा.रु.नं-बी/२०५, साई सदन बिल्डींग, सर्वे नं-१११, अलकापुरी, नालासोपारा पुर्व ता.वसई जि. पालघर यांना नमुद गुन्हयात अटक करण्यात आली.नमुद गुन्ह्यात अटक आरोपी १) सागर राजेश मिश्रा २) सागर सुनिल वर्मा यांचेकडे गुन्हयातील चोरलेल्या मुद्देमालाबाबत कौशल्यपुर्ण विचारपुस केली असता दोन्ही आरोपी यांनी आचोळे पोलीस ठाणे हद्दीतुन एकुण २४ मोबाईल खेचुन जबरी चोरी केली असल्याचे पोलीसांना सांगितले. नमुद आरोपी यांचे ताब्यातुन वर नमुद गुन्हयामध्ये चोरीस गेलेला मुद्देमाल जप्त करण्यात आला असुन यापुर्वीही चोरी केलेले एकुण वेग वेगळ्या कंपनीचे २४ मोबाईल तसेच गुन्हयात वापरलेली ०१ मोटार सायकल असा एकुण ३,२३,०००/- रुपये किंमतीचा मुद्देमाल हस्तगत करुन खालील गुन्ह्याची यशस्वी उकल केली आहे.
सदरची कामगिरी मा. श्रीमती. पौर्णिमा चौगुले-श्रींगी, पोलीस उप आयुक्त परिमंडळ २, मा. श्री. उमेश माने-पाटील, सहाय्यक पोलीस आयुक्त तुळींज विभाग यांच्या मार्गदर्शनाखाली श्री. सुजितकुमार पवार, वरिष्ठ पोलीस निरीक्षक, आचोळे पोलीस ठाणे, पोलीस निरीक्षक/अनंत पेडणेकर (गुन्हे), गुन्हे प्रकटीकरण शाखेचे पोउनि/मंगेश वडणे, पोउनि/गुरुदास मोरे, सफौ/दत्तात्रय दाईगडे, पोहवा/शंकर शिंदे, पोहवा/निखील चव्हाण, पोहवा/विनायक कचरे, पोहवा/अमोल सांगळे, पोअं/मोहनदास बंडगर, पोअं/मनोज पाईकराव, पोअं/गोविंद गुट्टे, पोअं/लोकेश कुवर, पोअं/सुशांत भोये, मसुब/मनिष बोपटे, व पोहवा/अमोल बरडे नेम.पो.उ.आ कार्यालय परिमंडळ २ वसई यांनी यशस्वी रित्या केलेली आहे.
