वसई- चरस/गांजा विक्री करणाऱ्या २ आरोपीस अटक वालीव गुन्हे प्रकटीकरण शाखेची कामगिरी.अधिकमाहितीनुसार वालीव पोलीस ठाणे हद्दीत दिनांक ०८/१०/२०२५ रोजी इरफान खत्री नावाचा इसम हा वसई पूर्व खैरपाडा येथे त्याचे राहते घरातुन चरस नावाचा अंमली पदार्थ विक्री करीत असल्याची गोपनीय खात्रीशीर माहिती मिळाली होती. सदर कारवाई करण्याबाबत मा. पोलीस उप आयुक्त वसई २ यांनी आदेश दिल्याने सहा.पो.आयुक्त तुळींज व वपोनि/वालीव पोस्टे यांच्या मार्गदर्शनाखाली गोरक्षनाथ जैद पो. निरीक्षक (गुन्हे) तसेच गुन्हे प्रकटीकरण अधिकारी व अंमलदार यांचेसह कारवाई करण्यासाठी टिम तयार करुन वसई पूर्व वालीव गाव, खैरपाडा, चिंतामणी कम्पाऊंडमधील मोमीन चाळीतील रुम नं १२ समोर रुममध्ये असलेल्या एका ७० वर्ष वयोगटातील इसमास ताब्यात घेवून सदर आरोपी इरफान सुलेमान खत्री, वय ७० वर्षे, रा. आदर्श मोमीन चाळ, रुम नं १२, चिंतामणी कंपाऊड, खैरपाडा, वसई पूर्व याची अंगझडती घेतली असता त्याच्या अंगझडतीमध्ये १०८८ ग्रॅम वजनाचा चरस हा अंमली पदार्थ, मोबाईल, रोख रक्कम असा एकुण १६,३७,०८०/- रुपये किंमतीचा मुददेमाल जप्त करण्यात आला. त्याचेकडे सदर गुन्हयाबाबत अधिक तपास केला असता आरोपी तबरेज अमीन मियान खान वय २५ वर्ष, रा. डायमंड बिल्डींग, लक्ष्मी नारायण रेशीडेन्शी, चुर्तवेदी इस्टेट, काल्हेरगाव, ता. भिवंडी जि.ठाणे हा आरोपी निष्पण झाल्याने त्यास वालीव वसई पूर्व परीसरातुन ताब्यात घेवुन त्याचेकडुन १३८६ ग्रॅम वजनाचा चरस अंमली पदार्थ व १०५० ग्रॅम वजनाचा गांजा अंमली पदार्थ, रोख रक्कम, मोबाईल असा मुदेमाल जप्त करण्यात आला. व दोन्ही आरोपीं कडुन ३७,५१,०८०/- एकुण रुपये किमतीचा २ किलो ७४ ग्रॅम चरस व १ किलो ५० ग्रॅम गांजा व इतर मुददेमाल जप्त करण्यात आला. सदर बाबत वालीव पोलीस ठाणे येथे गुन्हा दाखल करण्यात आला आहे.
वरील कामगीरी मा. श्रीमती. पौर्णीमा चौघुले श्रींगी, पोलीस उप आयुक्त, परीमंडळ २ वसई, मा. श्री. उमेश माने पाटील, सहाय्यक पोलीस आयुक्त, तुळींज विभाग, वालीव पोलीस ठाणे वरीष्ठ पोलीस निरीक्षक श्री. दिलीप घुगे, पोलीस निरीक्षक (गुन्हे) श्री. गोरक्षनाथ जैद यांच्या मार्गदर्शनाखाली गुन्हे प्रकटिकरण शाखेचे स.पो.नि. विश्वासराव बाबर, सहा. फौजदार शैलेश पाटील, पो.हवा/किरण म्हात्रे, पो.हवा/आनंद मोरे, पो.हवा/बाळु कुटे, पो.हवा/विनायक राऊत, पो.अं/अनिकेत पाटील, पो.अं/सचिन लांडगे, पो.अं/केतन गोडसे, मसुब / नागनाथ केंद्रे यांनी यशस्वीरित्या कामगिरी पार पाडली आहे.
