मिरारोड– Telegram Task Fraud मध्ये फसवणुक झालेली १,०६, १७१/- रूपये रक्कम तक्रारदार यांना परत करण्यात सायबर पोलीस ठाण्यास यश.अधिकमाहितीनुसार मिरा-भाईंदर, वसई-विरार पोलीस आयुक्तालयातील कार्यक्षेत्रातील मिरारोड पोलीस ठाणेचे हद्दीत राहणारे तक्रारदार श्रीमती. रॉड्रिक्स वर्क फ्रॉम करीता ऑनलाईन सर्च करताना टेलीग्राम या सोशल मिडीया प्लॅटफॉर्म ऑनलाईन टास्क पूर्ण करुन रक्कम मिळत जाहिरात पाहिली.
तक्रारदार यांनी काही टास्क पुर्ण केले असता त्यांना काही रक्कम मिळाली. त्यावर कमी वेळेत अधिक रक्कम मिळत असल्याबाबत तक्रारदार यांचा विश्वास संपादन झाला. तक्रारदार यांनी अधिक रक्कम भरुन अधिक टास्क विकत घेतले. परंतु टास्क पूर्ण झाल्यानंतर कोणतीही रक्कम परत न मिळता अधिक रक्कम भरण्यास तक्रारदार यांना सांगितल्याने त्यांची आर्थिक फसवणुक होत असल्याचे लक्षात आले. सदर बाबत तक्रारदार यांनी दिनांक ०७/०६/२०२५ रोजी तक्रारी अर्ज दिल्याने अर्जाबाबत तात्काळ नोंद घेवुन ऑनलाईन NCCRP Portaदेखील नोंद घेण्यात आली.
तक्रारदार यांची ऑनलाईन NCCRP Portal वर तक्रार नोंदविल्याने फसवणुकीची रक्कम वेगवेगळ्या बँक खात्यांमध्ये थांबविण्यात आली. तसेच फसवणुकीच्या व्यवहाराचे अनुषंगाने अधिक तपास करुन तक्रारदार यांची रक्कम वर्ग झालेल्या बँक खात्यांची माहिती प्राप्त करुन संशयीत १० बँक खात्यांना वारंवार पत्रव्यवहार करुन रक्कम ०७ बँक खात्यात रक्कम थांबविण्याबाबत कारवाई करण्यात आली.
सदरची ०७ वेगवेगळ्या बँक खात्यांमधील रक्कम परत मिळविण्याकरीता मा. न्यायालयामध्ये अर्ज सादर करण्याबाबत तक्रारदार यांना सुचना देण्यात आल्या. तक्रारदार यांनी त्यांची फसवणुकीची रक्कम परत मिळविण्याकरीता मा. न्यायालयात याचिका सादर केलेली, त्याबाबत सायबर पोलीस ठाणे यांनी मा. न्यायालयामध्ये सविस्तर अहवाल सादर केला व मा. न्यायालयाचे आदेश प्राप्त केले.
अश्याप्रकारे सायबर पोलीस ठाणे यांनी ०७ बँकेसोबत सातत्याने ०६ महीने पाठपुरावा करुन तक्रारदार यांची फसवणुक झालेली रक्कम १,०६,१७१/- रूपये त्यांचे मुळ खात्यात परत मिळविण्यात आलेली आहे.
तक्रारदार यांची रक्कम परत मिळविण्यात आल्या नंतर रक्कम परत केल्याबाबत त्यांना प्रतिकात्मक चेक देवून माहिती देण्यात आलेली आहे.
फसवणूक टाळण्यासाठी घ्यावयाची काळजी…
Work From Home नावाखाली Online Youtube Vedio Link Task, Hotel/Movie Rating या सारख्या गुंतवणुक करणा-या फसव्या जाहिरातींना बळी पडु नये.
अश्या बनावट Adds कमी वेळेत अधिक रक्कम परत मिळत असल्याचे दाखवुन आपला विश्वास संपादन करुन अधिक रक्कमेकरीता आमिष दाखविले जाते.
रक्कमेची गुंतवणुक केल्यानंतर कोणताही परतावा न करता पूर्वी भरलेल्या रक्कमेपेक्षा अधिक रक्कम भरण्याकरीता भाग पाडुन आर्थिक फसवणुक केली जाते.
जास्त परतावा देण्याचे आमिष दाखविणा-या कोणत्याही सोशल मिडीयावरील जाहिरात, अॅपवर विश्वास ठेवु नये. तसचे ट्रेडिंग ऍप ची विश्वासार्हता तपासुन गुंतवणुक करु नये.
कोणतेही अनाधिकृत अँप्लिकेशन केशन डाऊनलोड करु नये अथवा अनोळखी लिंकवर क्लिक करुन नये.
ऑनलाईन फसवणुक झाल्यास तात्काळ बँकेला संपर्क करावा.
मिरा-भाईंदर, वसई-विरार पोलीस आयुक्तालयातील नागरीकांना आवाहन करण्यात येते की, असा प्रकार आपल्यासोबत घडला असल्यास तात्काळ नजीकच्या पोलीस ठाणेस संपर्क साधावा. तसेच www.cybercrime.gov.in अथवा 1930/1945 या हेल्पलाईनवर संपर्क साधून तक्रार द्यावी.
सदरची कामगिरी मा. श्री. संदिप डोईफोडे, पोलीस उप आयुक्त (गुन्हे), मा. श्री. मदन बल्लाळ, सहा. पोलीस आयुक्त (गुन्हे), यांच्या मार्गदर्शनाखाली प्रभारी अधिकारी सायबर पोलीस ठाणे पोलीस निरीक्षक, सुजितकुमार गुंजकर यांचेसह सपोनि /स्वप्नील वाव्हळ, पोउपनिरी/प्रसाद शेनोळकर, पोउनि/धनवडे, सफौ/संतोष चव्हाण, मपोहवा/माधुरी धिंडे, मपोअं/अमिना पठाण, मपोअं/स्नेहल पुणे, मपोअं/सुवर्णा माळी, पोअं/कुणाल सावळे, पोअं/विलास खाटीक, पोअं/सावन शेवाळे, पोअं/राहुल बन, मसुब/प्रविण सावंत, मसुब/सोमनाथ बोरकर, मसुब/राजेश भरकडे सायबर पोलीस ठाणे यांनी पार पाडली आहे.
सायबर फसवणुक हेल्पलाईन क्रमांक: १९३०/१९४५
सायबर फसवणुक हेल्पलाईन वेबसाईट : www.cybercrime.gov.in
