🚧 घोडबंदर रोडवर डांबरीकरणाचे काम; ८ ते ११ ऑगस्ट दरम्यान वाहतूक बदल!

मिरा-भाईंदर, वसई-विरार: मिरा-भाईंदर, वसई विरार पोलीस आयुक्तालयाच्या हद्दीत ठाणे- घोडबंदर रोड गायमुख घाटात ठाणे घोडबंदर वाहिनीवर रस्ता दुरुस्तीचे व डांबरीकरणाचे काम मिरा-भाईंदर महानगरपालिका दि. ०८/०८/२०२५ रोजी ००.०१ वाजले पासून ते दि. १०/०८/२०२५ रोजी ००.०० वाजे पर्यंत  करणार आहेत. याकरिता वाहतूक अधिसुचनेद्वारे सर्व प्रकारच्या जड अवजड वाहनांना घोडबंदर रोडवर दि. ०८/०८/२०२५ रोजी ००.०१ वाजले पासून ते दि ११/०८/२०२५ रोजी पहाटे ०५.०० वाजे पर्यंत  प्रवेश बंद करण्यात आलेला आहे. इतर हलकी वाहनांची रहदारी ही घोडबंदर ठाणे वाहिनी वरुन रॉग साईडने टप्या टप्याने मार्गस्थ करण्यात येणार आहे. सदर कामाच्या वेळी ठाणे घोडबंदर रोडवर गायमूख घाटात वाहतूक कोंडी होणार असल्याने नागरिकांनी ठाणे घोडबंदर रस्त्याच्या वापर टाळावा ही विनंती आहे. तसेच वरसावे पोलीस चौकी ते निराकेंद्र घाट (घोडबंदर रोड) असा कोणीही रॉग साईडचा वापर करु नये रॉग साईडचा वापर केल्यास कायदेशिर कारवाई करण्यात येईल. तसेच जास्त प्रमाणात वाहतूक कोंडी होऊन आपणांस इच्छित स्थळी पोहचण्यास विलंब होऊ शकतो.

तरी सर्व नागरिकांनी शक्यतो सदर रस्त्यावर प्रवास करण्याचे टाळावे किवा पर्यायी मार्गाचा वापर करुन सहकार्य करण्याचे आपण सर्वांना आवाहन करण्यात येत आहे.